කට හඩක් තිබුණු පමණට සාර්ථක නිවේදකයෙක් වෙන්න බැහැ.
සම්මානනීය ගුවන් විදුලි නිවේදිකා චිත‍්‍රා කුමාරි පත්තප්පෙරුම
දුනන්නේ ඇයගේ ආත්මීය නිපුණත්වය විදහා දක්වමිනි. ඇය ශී‍්‍ර ලංකා ගුවන් විදුලි සංස්ථාවේ සම්මානනීය නිවේදිකා චිත‍්‍රා කුමාරි පත්තප්පෙරුම යි.
මේ දවස්වල ඔබගේ වැඩකටයුතු මොනවා ද ?
මම මේ දවස්වල බාහිර කතිකාචාර්යවරියක් ලෙස කටයුතු කරනවා. මොකද මම ඉගෙන ගත්තු සන්නිවේදන ශිල්පය ප‍්‍රායෝගිකව හා න්‍යායිකව ඊළ`ග පරපුරට ලබා දෙන්න මම කැමතියි. ඒ වගේම මම මේ දවස්වල වැඩසටහන් සහ ප‍්‍රවෘත්ති නිවේදිකාවක් වශයෙන් සුපුරුදු පරිදි කටයුතු කරගෙන යනවා.
මුලින්ම ඔබගේ පාසල් ජීවිතය ගැන කතා කළොත් ,
මම පාසල් ගියේ කොළඹ ආනන්ද බාලිකා විද්‍යාලයට. පාසල් කාලයේ සිටම මම සෞන්දර්්‍ය සහ කී‍්‍රඩා ආදි කටයුතුවල නිරත වුණා. ඒ වගේම පාසල් කාලයේ දී නර්තන, කී‍්‍රඩා සහ ගායන තර`ගවලින් මම ජයග‍්‍රහණ ලබා තිබෙනවා. කුඩා කාලයේ මට නිවේදිකාවක් වෙන්න කියලා ආශාවක් තිබුණේ නැහැ. ඒත් පසුකාලීනව සෞන්දර්්‍ය වෙනුවෙන් තිබු ඇල්ම නිවේදිකාවක් වෙන්න ඉඩ විවිර කරන්න ඇති.
ඔබ ජාතික ගුවන් විදුලියට එක් වන්නේ කොහොම ද ?
මම ජාතික ගුවන් විදුලියට සම්බන්ධ වන්නේ හ`ද මාමා ළමා වැඩසටහන හරහා. එහිදි මගේ මවගේ පෙළඹවීම මත මමයි , මගේ අනිත් සහෝදරයින් තිදෙනායි ගුවන් විදුලියට එකතු වෙනවා. ඒ ළමා මණ්ඩපයේ ශිල්පී පරීක්ෂණය හරහා. ඉන් පසුව ළමා වැඩසටහන් ශිල්පිනියක් වශයෙන් , ළමා ගායන ශිල්පිනියක් ,යෞවන වැඩසටහන් ශිල්පිනියක් වශයෙන් සහ ප‍්‍රවෘත්ති නිවේදිකාවක් වශයෙන් කටයුතු කළා. ඒ වගේම පසුගිය වසර දෙක තුළ වෙළෙ`ද සේවයේ අධ්‍යක්ෂවරිය වශයෙනුත් මම කටයුතු කළා.
ඔබතුමිය ප‍්‍රවීණ නිවේදිකාවක් ලෙස සන්නිවේදනය දකින්නේ කුමන ආකාරයෙන් ද ?
සන්නිවේදනය කියන්නේ සෑම සත්ත්ව මෙන්ම මානව කොට්ඨාසයක්ම පැවැත්ම වෙනුවෙන් සිදු කරන දෙයක්. සන්නිවේදනය කියන්නේ කිසියම් මාධ්‍යක් හරහා ජනතාව වෙත පුළුල් ආකාරයෙන් තොරතුරු ගෙන යාමක්. ඒ නිසා අප දෛනිකව සිදු කරන සන්නිවේදනය හා මාධ්‍යක් හරහා සිදු කරන සන්නිවේදනය අතර පුළුල් වෙනසක් තියෙනවා. ඒ වගේම සන්නිවේදනය කියන්නේ යුගයෙන් යුගයට වෙනස් වන දැවැන්ත විෂය ධාරාවක්. ඒ වගේම මාධ්‍ය කලාව අද තාක්ෂණය හා සමග එකතු වෙලා තියෙන නිසා සන්නිවේදනය කියන්නේ පුළුල් විෂය ධාරාවක්. ඒ කෙසේ වුවත් පුවත්පත්, රූපවාහිනි හා ගුවන් විදුලි යන කවර මාධ්‍යක් හරහා හෝ ජනතාව වෙත තොරතුරු ගෙන යාමේ සාමුහික කි‍්‍රයාවලිය සන්නිවේදනය වශයෙන් සරලව හදුන්වන්න පුළුවන්.
අද වන තෙක් ඔබගේ මේ ගමනට ගුරුහරුකම් ලබා දුන් ගුරුවරුන් කවුරුන් ද ?
ඔව්. මට මගේ ගුවන් විදුලි ජීවිතයේ දී ක්ෂේත‍්‍රයේ දැවැන්තයින්ගේ මග පෙන්වීම නිරතුරුවම ලැබුණා. මහාචාර්ය එදිරිවීර සරච්චන්ද්‍ර, දයානන්ද ගුණවර්ධන, ගුණසේන ගලප්පත්ති වගේ නාට්‍ය කලාවේ දැවැන්ත චරිතවල ම`ග පෙන්වීම මට නිරතුරුවම ලැබුණා. ඊට අමතරව මම වේදිකා නාට්‍ය ශිල්පිනියක් ලෙස කිරිගරු`ඩ, අම්මයි පුතයි ආදි වේදිකා නාට්‍ය බොහෝමයක රංගනයෙන් දායක වුණා. ඒ වගේම මගේ මේ ගමනට මගේ මව, පියා, සහෝදරයින් සහ මගේ සැමියා වන චන්දන පත්තප්පෙරුමගෙන් ලොකු ම`ග පෙන්වීමක් මෙන්ම ගුරුහරුකම් ලැබුණා.
ඔබගේ මාධ්‍ය ජීවිතය තුළ ඔබ මුහුණ දුන් අමතක නොවන සිදුවීම් මොනවා ද ?
මගේ ජීවිතයේ අමතක නොවන සිදුවීම තමයි, යුධ වාතාරණය මැද වසර දොළහකට පසු යාපනයේ නල්ලූර් කන්දස්වාමි ජනතාව වෙනුවෙන් විවෘත කළ අවස්ථාවේ ගෙන ගිය සජීව විස්තර ප‍්‍රචාරය. රත්මලානේ සිට පළාලි ගුවන් තොටුපළට යන තුරු අපගේ ජීවිතය ගැන බලාපොරොත්තුවක් තිබුණේ නැහැ. ඒ වගේම දසදහසක් වු දෙමළ ජනතාව අතර සිට මම ඒ වෙලාවේ හිටපු එකම සිංහල මාධ්‍ය නිවේදිකාව වශයෙන් උතුරේ ජනතාවගේ හද ගැස්ම හ`දුනාගෙන ඒ අවස්ථාවට මුහුණ දුන්නා. ඒ සජීවි විස්තර ප‍්‍රචාරය හරහා මට හැකි වුණා, මගේ හ`ඩ උපයෝගි කරගෙන යාපනයේ පැවැති පරිසරය ගුවන් විදුලියෙන් මවන්න. ඒ වගේම ජාතීන් දෙකක් අතර ඇති වුණු සමගියේ සංකේතයක් වු ඒ අවස්ථාව මගේ ජීවිතයට ඉතාමත් වැදගත් සිදුවීමක් වුණා. ඒ හින්දා මම පළාලි සේවයේ සෑම වසරකම මාස දෙකක් සේවය කරනවා.
සමකාලීන මාධ්‍යකරුවා සහ දේශපාලනය අතර තියෙන සම්බන්ධය ඔබ දකින්නේ කොහොම ද ?
ඔව්. මාධ්‍යකරුවෙක් හැටියට මට දේශපාලනයක්, දේශපාලන අරමුණක් තියෙන්න පුළුවන්. ඒත් මාධ්‍යකරුවෙක් හැටියට මාධ්‍යකරුවාගේ වගකීම වෙන්න ඕනේ , මාධ්‍යකරුවාගේ දේශපාලන අරමුණු පසෙක තියා , මිනිසුන්ගේ හදවත ගැහෙන, හදවත ඉල්ලන දේ දෙන්න. ඒ නිසා මාධ්‍ය තුළ දි මාධ්‍යකරුවාට දේශපාලන අරමුණක් තියෙන්න බැහැ.
අද ලංකාව තුළ නිවේදන වෘත්තියට පිළිගැනීම ගැන ඔබ තෘප්තිමත් ද ?
මම ජාතික ගුවන් විදුලියෙන් බිහිවුණු සන්නිවේදිකාවක් නිසා ජාතික ගුවන් විදුලියේ අදටත් ආරක්ෂා කරමින් එන ප‍්‍රමිතිය නිසා නිවේදන වෘත්තියට තවමත් හො`ද පිළිගැනීමක් තියෙනවා. ඒත් අද වානිජකරණය සමග බිහිවෙන පෞද්ගලික මාධ්‍ය ආයතන තුළ සිටින සන්නිවේදකයන්ට එහෙම පිළිගැනීමක් තියෙනවා ද කියලා ගැටලූවක් මතු වෙනවා. එහිදි නිවේදන වෘත්තියේ පිළිගැනීමට මාධ්‍ය හිමිකරුවන්ගේ න්‍යාය පත‍්‍ර බෙහෙබින් බලපානවා. ඒ නිසා නිවේදකයාට සිදුවෙනවා ඒ මාධ්‍ය න්‍යාය පත‍්‍රයන්ට අනුකූලව කි‍්‍රයා කරන්න. ඒ අනුව නිවේදන වෘත්තියට තිබෙන පිළිගැනීම ගැන මට සාධනීය තෘප්තියක් පවතිනවා.
ඒ තත්ත්වය කෙසේ වුවත් 2017 වසරේ ඔබ විශිෂ්ටතම ප‍්‍රවෘත්ති නිවේදිකාව බවට පත්වෙනවා නේද ?
ඔව්. 2017 ප‍්‍රථම රාජ්‍ය ගුවන් විදුලි සම්මාන උළෙලේ දී විශිෂ්ටම සිංහල ප‍්‍රවෘත්ති ප‍්‍රකාශිකාව වශයෙන් ගෞරව සම්මානයට පාත‍්‍ර වෙනවා. ඒ ලැබුණු සම්මානය මට නොවෙයි, සමස්ත ගුවන් විදුලි ක්ෂේත‍්‍රය වෙනුවෙන් ලබා දුන් ඇගයීමක් ලෙස මම හ`දුන්වන්න කැමතියි. එසේම ගුවන් විදුලි ඉතිහාසයේ වැදගත් අවස්ථාවක් ලෙස 2017 රාජ්‍ය ගුවන් විදුලි සම්මාන උළෙල පෙන්වා දෙන්නත් පුළුවන්. මීට පෙර ජාතික ගුවන් විදුලිය ඇතුළත එවැනි කි‍්‍රයාදාමයක් පැවතුණත් , සමස්ථ රටම ආවරණය වන පරිදි එවැනි සම්මාන උළෙලක් පවත්වා නැහැ.
ගුවන් විදුලි මාධ්‍ය වෙනුවෙන් පවත්වන ඇගයීම් උළෙලවල හි`ගයක් පවතිනවා. ඒ ගැන දරන අදහස ?
අද ලංකාවේ රූපවාහිනි වැනි මාධ්‍යන් වෙනුවෙන් බොහෝමයක් සම්මාන උළෙලවල් පවතිනවා. ඒත් කණගාටුවට කරුණ වන්නේ මෙරට ප‍්‍රථම විද්්‍යුත් සන්නිවේදන මාධ්‍ය වුණු ගුවන් විදුලිය වෙනුවෙන් කිසිම ආකාරයේ දිගු කාලීන ඇගයිම් උළෙලක් නොපැවතීම. ඒත් 2017 වසරේ දී පැවැත්වුණු ප‍්‍රථම ගුවන් විදුලි රාජ්‍ය සම්මාන උළෙලින් ඒ හිඩැස යම්තාක් දුරට හෝ පිරිමැසුණු ආකාරයක් දැක ගත හැකි වුණා. ඒ නිසා මෙවැනි ඇගයිම් උළෙලවල් මගින් ගුවන් විදුලි ශිල්පීන් දිරිමත් වන ආකාරය දැක්විය යුතුයි.
වර්තමාන නිවේදන ශිල්පීන්ට, ක්ෂේත‍්‍රයේ ප‍්‍රවීණයෙක් ලෙස ඔබ දෙන උපදෙස් මොනවා ද ?
ගුවන් විදුලි ක්ෂේත‍්‍රයට පැමිණ හෝ ක්ෂේත‍්‍රයට පැමිණීමට බලාපොරොත්තු වන අංකුර සන්නිවේදකයින්ට ලබා දෙන උපදෙස තමයි, මුදල සහ ජනපි‍්‍රයත්වය කියන පටු අරමුණ පෙරදැරි කොටගෙන ගුවන් විදුලි ක්ෂේත‍්‍රයට නොපැමිණ ප‍්‍රතිභාව , කුසලතාව සමගින් යහපත් සන්නිවේදකයෙක් ලෙස ක්ෂේත‍්‍රයට පැමිණෙන්නට ආරාධනා කරනවා. එහෙම මුදල් හා ජනපි‍්‍රයත්වය කියන පටු අරමුණු සහිතව ක්ෂේත‍්‍රයට පැමිණීම තාවකාලික දෙයක්. ඒ නිසා විෂය ගැඹුරින් හදාරා , ඉලක්කයක් සහිතව ගුවන් විදුලි ක්ෂේත‍්‍රයට පැමිණියොත් ජනපි‍්‍රයත්වය කියන දෙය ශ‍්‍රාවක ජනතාවගෙන් ඉබේම ලබා ගන්න පුළුවන් දෙයක්. ඒ නිසා අපේ සිත දෙවොලක් කරගෙන මේ කටයුතු නිවැරදිව නියැලූනොත් මේ ක්ෂේත‍්‍රය තුළ දිගු ගමනක් යන්න හැමෝටම පුළුවන් වෙනවා.
අවසාන වශයෙන් ඔබට අද මෙම ස්ථානයට පැමිණිමට රුකුලක් වු පුද්ගලයින් කවුරුන් ද ?
මුලින් ම මගේ මව ශීලා සරත් කුමාරිහාමි, පියා සිමියන් කළුබෝවිල, මගේ සැමියා චන්දන පත්තප්පෙරුම සහ මගේ පුතුන් දෙදෙනා වන තරි`දු පත්තප්පෙරුම හා ගජිත පත්තප්පෙරුම යන අයගෙන් ලොකු සහයෝගයක් ලැබෙනවා. ඒ වගේම මගේ ගුවන් විදුලියේ ගුරුවරුන්ගෙනුත් මගේ ගමනට ලොකු සහයක් ලැබුණා. ඒ හැමෝවම මම කෘතවේදීව මේ අවස්ථාවේ සිහි කරනවා.
සාකච්ඡුා කළේ : සුමේන්ද්‍ර පෙරේරා සහ ටිෂානි ශෂි කුමාරි
